Ditën e sotme Prokuroria e Posacme ka njoftuar se do të nisë hetimet ndaj kreut të Fondit Shqiptar të Zhvillimit, Dritan Agolli, pasi dyshohet se është përfshirë në afera korruptive përmes tenderëve. Pak ditë më parë Gijotina.com denoncoi rastin ku Agolli kishte hapur një tender me objekt “Menu për 100 fshatra” , paratë e të cilit në fund i ka marrë vetë përmes një skeme abuzuese të mirë menduar nga ana tij.
Pasi në garë Agolli kishte future punonjësin e tij, kuzhinierin Alfio Rrotani, i cili ka garuar dhe ka fituar tenderin si individ. Por, në fakt ai është shef kuzhine tek restoranti që drejton djali i Agollit. Me sa duket, SPAK është zgjuar nga këto shkelje të faktuara me dokumente dhe sot po nis hetimet ndaj tij.
Skema e abuzimit
Sikur e cekëm pak më lartë Dritan Agolli i ka dhënë vetes së tij tenderin me shifra marramendëse për një tender qesharak, duke përdorur si “karrem” punonjësin e tij. Edhe pse oferta e këtij të fundit ishte më e shtrenjtë sërish Agolli shpalli atë fitues, pasi ishte menduar paraprakisht si i tillë.
Po qershia mbi tortë del tani, kur dokumentet tregojnë se Alfio punon te restoranti në pronësi të djalit të kreut të FSHZH, Flladi Agolli. Bëhet fjalë restorantin “Bedouin Beach & Bar”, në pronësi të Flladi Agollit, djali i Dritan Agollit, ku Alfio është shef kuzhine. Pra Dritan Agolli fut në garë për tenderin punonjësin e tij dhe në fund paratë shkojnë për biznesin që drejton i biri. Konkretisht, e zbardhja e gjithë kësaj skemë tregon se kreu i FSHZH i ka dhënë vetes së tij tenderin 416 milionë lekë, duke përdorur këtë skemë për të mbuluar abuzimin.
Discussion about this post