Është siguruar lista e dhuratave që ka pranuar Kryeministri Albin Kurti, që prej ardhjes në detyrë, përmes kërkesës për qasje në dokumente publike në Zyrën e Kryeministrit.
Në një prej dhuratave që ka pranuar Kurti është edhe libri i shenjtë i myslimanëve “Kurani”.
“Kurani” i ishte dhuruar Kurtit nga Ministri për çështje fetare i Arabisë Saudite, Abdullatif Al-Sheikh.
Ai kishte qenë për vizitë tek kryeministri më 29 tetor të vitit 2021, dhe me këtë rast i kishte sjell këtë dhuratë.
Dhuratat janë bërë temë në vend pasi Ministrit të Brendshëm Xhelal Svecla gjatë vizitës në Katar iu dha një orë Rolex që e befasoi atë me çmimin që kishte. Ai vendosi t’ia dhurojë shtetit pasi ajo kushtonte rreth 20 mijë dollarë.
Discussion about this post