Një furgon është djegur gjatë natës në qytetin e Korçës. Fugoni në pronësi të Reanto Torollarit është djegur rreth orës 03:00 të mëngjesit, teksa ka qenë i parkuar.
Lidhur me ngjarjen bëhet me dije se zjarri dyshohet të ketë qenë i qëllimshëm ndërsa vetë Torollari ka deklaruar në polici që nuk ka konflikte me asnjë person.
Ai po ashtu nuk është një person me precedent të mëparshëm penal . Ndërkaq policia po vijon punën për zbardhjen e rrethanave të ngjarjes.
“Më datë 26.09.2022, rreth orës 03:00, në lagjen nr. 17, Korçë, ka rënë zjarr në mjetin tip furgon në pronësi të shtetasit R. T., banues në Korçë, i cili ishte i parkuar në afërsi të banesës.”
Së fundmi, grupi hetimor po punon për sqarimin e rrethanave të ngjarjes dhe përcaktimin e shkaqeve të rënies së zjarrit.
Discussion about this post