Publikimi i pagave të rreth 630 mijë qytetarëve shqiptarë, zbuloi pozicionin e Monika Lubonjës në Bashkinë e Tiranës si këshilltare e Erion Veliaj, për të cilën të gjithë ngelën të surprizuar.
Kryebashkiaku ka vendosur ta pezullojë nga puna aktoren e cila aktualisht është konkurrente e reality show-t “Big Brother VIP”.
Njoftimi për pezullimin e Lubonjës vjen tani, në Janar, kur ka kaluar më shumë se një muaj nga publikimi i pagave të shqiptarëve, skandal që mbylli vitin 2021.
Në mesin e 630 mijë qytetarëve shihej se Lubonja ishte e punësuar në Bashkinë Tiranë dhe merrte një pagë prej 114 mijë lekësh të reja. Në kohën që u bënë publike të dhënat, nuk pati asnjë reagim nga ana e Bashkisë Tiranë.
Skandali me pagat dhe me të dhënat e tjera personale tronditi vendin në fund të vitit që lamë pas. Theksojmë se, për këtë skandal u vunë në pranga katër personat, të cilët sot janë të lirë.
Discussion about this post