“Nuk ka për të pasur palë këtu pa qenë naftëtarët në tryezë, të gjithë ta kenë të qartë”, kështu janë shprehur naftëtarët e Ballshit, të cilët sot mes reshjeve të shiut kanë dalë sërish në protestë tek rafineria. Këtë herë ata kërkojnë zgjidhje nga qeveria, ndërsa ngrejnë dyshimet se uzina do të shitet për skrap.
“Kjo është jeta e një naftëtari, që ka marrë fenolet në gjak dhe karbonin në mushkëri dhe nga Covid, shumë nga kolegët tanë nuk arritën të shikonin gjyqin, nuk i çuan ato lekët te fëmijët në shtëpi. Sot jemi përballë një fakti tjetër që këta frikacakë që vijnë natën dhe sjellin kontejnerë këtu, nuk vinë sot të zbardhin cila është akt-marrëveshja që kanë bërë midis palëve, banka dhe kompanitë e ndryshme që vinë për ta bërë skrap rafinerinë”, është shprehur ai.
I revoltuar njëri nga banorët shprehet se kontejnerët vijnë në darkë për të ndërhyrë në rafineri, ndërsa ka shtuar se edhe qeveria i merr vendimet natën, jo ditën.
“Marrin vendime natën, jo ditën. Vendimet merren në Parlament. Le të thonë që nuk ka të ardhme dhe le ta mbyllin. Nuk ka për të pasur palë këtu pa qenë naftëtarët në tryezë, të gjithë ta kenë të qartë. Këto dytë kanë hequr edhe dy pompa,” u shpreh banori.
Banorët i bëjnë veçanërisht ministres për këtë çështje duke thënë se: “Ashtu si rafineria e Fierit që doli në ankand, edhe ky kombinat le që ndodh, se duhet të dalë me vendim parlamenti të shpallet falimenti i Armo, por marrin vendime sikur nuk ekziston kjo kompani fare”.
Discussion about this post