Për të dytin vit radhazi Vllaznia kurorëzohet si kampione e Kupës së Shqipërisë. Shkodranët mundën 2-1 Laçin pas kohës shtesë në sfidën e luajtur në “Air Albania”. Festë e dyfishtë për kuqeblutë teksa me këtë trofe siguruan edhe pjesëmarrjen në Kupat e Europës. Ndeshje spektakli në “Air Albania” mes dy kolegëve Duro e Josa ku në fund të 120 minutave buzëqeshi drejtuesi i stolit shkodran.
Ndeshja nisi e vrullshme me një gol të Guindos por ndërrimi i Josës edhe pse i detyruar për Da Silvan, rezultoi i duhuri pasi Hoxhaj ishte njeriu që riktheu qetësinë për kuqeblutë.
Në shtesën e parë të ndeshjes ishte Mevlan Adili qe i dhuroi lavdinë dhe Europën, Vllaznisë dhe dënoi Laçin bashkë me Kukësin që për të dytin sezon rresht do t’i mungojë Europës. Kjo është finalja e dytë e humbur për Laçin në 4 të zhvilluara në total.
Discussion about this post