Vrasja me armë tronditur kryeqytetin këtë mëngjes, ku mbeti i vdekur Jurgen Duka. Sipas të dhënave paraprake, Jurgen Duka (Mëziri) dhe shoku i tij O.D., kanë hyrë në market dhe pas një debati, ka filluar një konflikt me një person tjetër të paidentifikuar ende. Sherri ka agravuar dhe ky i fundit ka qëlluar Dukën me armë zjarri duke e lënë fillimisht të plagosur, ndërsa më pas 29-vjeçari ka ndërruar jetë në spitalin e Traumës.
Ndër të tjera bëhet me dije se, Jurgen Duka ishte një emër i njohur për policinë, pasi në një vit më parë kishte rënë në pranga në kuadër të një operacioni anti-drogë mes Shqipërisë dhe Italisë ku u prangosën edhe disa persona të tjerë. Sipas të dhënave, operacioni që vuri në pranga Dukën ishte koduar “Riviera” dhe u iniciua nga Prokuroria Rajonale Antimafia në Bolonja, në bashkëpunim me Grupin e Operacioneve Speciale (ROS) të Karabinierisë në Bolonja. Grupi kriminal i trafikut përbëhej nga shqiptarë dhe italianë, të cilët ushtronin këtë rrjet në Marche, Emilia Romagna, Lombardi dhe Liguri. Duka ka qënë pjesë e grupit që trafikonin kokainë dhe heroinë nga Amerika e Jugut dhe Evropa Veriore dhe do të ekstradohej në Itali për t’u gjykuar, por nuk dihet pse është lënë i lirë dhe nëse vrasja e tij lidhjet me këtë çështje. Gjithsesi, policia po vazhdon me hetimet dhe punën për kapjen e autorit.
Discussion about this post