Një ditë pas ftesës së kandidatit të PD Indrit Sefa për një debat publik për Lushnjën, kanididatët rivalë nuk kanë asnjë reagim.
As Emirjana Sako e PS dhe as Elton Bano i Berishës, nuk kanë pasur asnjë reagim. Në një postim në rrjetet sociale, Sefa e konsideron këtë një fshehje, injorim dhe përçmim të votuesve si nga kandidatja e PS, ashtu edhe nga kandidati i Berishës.
“Lushnjarët meritojnë të dinë çfarë do të bëjnë kandidatët në këto zgjedhje për Lushnjën. Për të qenë sa më konkretë, sa më të besueshëm për çdo gjë që marrim përsipër në fushatë, propozova dje zhvillimin e një debati publik. 24 orë më pas, nuk ka asnjë reagim nga asnjëri prej kandidatëve. Fshehja e tyre është shurdhëri ndaj kërkesave të lushnjarëve për një jetë më ë mirë në qytetin e tyre. Është injorim dhe përçmim për të drejtën e qytetarëve për llogaridhënie”, shkruan Sefa.
Sefa shprehet i sigurt se me ose pa rivalë, është i vendosur ta kthejë Bashkinë e Lushnjës në aleatin më të madh të qytetarëve të saj.
Discussion about this post