Një tjetër aksident i rëndë është shënuar pasditen e sotme në Dhërmi. Burime bëjnë me dije se janë përplasur dy automjete me njëra-tjetrën.
Një prej drejtuesve të automjeteve është dëmtuar në gjymtyrët e poshtme dhe po transportohet në spitalin e Vlorës.
Shoferi i betonieres është hedhur nga makina pas përplasjes dhe nuk ka lëndime. Betonierja ka përfunduar poshtë rrugës nga përplasja, ndërsa kamioni ka mbetur i ngecur gjysmë në ajër në anë të rrugës. Aksidenti ka ndodhur pranë disa resorteve dhe dyshohet se mjetet kanë qenë me shpejtësi dhe nuk kanë mundur të frenojnë në rrugën e ngushtë.
Paraprakisht dyshohet se shkak i këtij aksidenti është bërë mosrespektimi i sinjalitiskave rrugore dhe shpejtësia përtej normave të lejuara, ndërsa policia nuk ka qenë në patrullim.
Identiteti i të plagosurit nuk është bërë ende me dije po ashtu edhe shkaqet e aksidentit janë të paqarta.
Discussion about this post