Aksident i rëndë në Tepelenë-Levan, makina rrëshqet, shkak reshjet e shiut

Një tjetër aksident i rëndë ka ndodhur mesditën e kësaj të diele në aksin rrugor Tepelenë-Levan.

Mësohet se një automjet tip “Fiat” ka dalë nga rruga. Kjo besohet se ka ndodhur, për shkak të rrëshqitjes së mjetit nga shiu.

Fatmirësisht nga aksidenti nuk ka të lënduar, kurse policia është në vendngjarje.

Pritet të zbardhen detaje pas hetimeve nga uniformat blu.

Sakaq theksojmë se nga raportimet e gijotina.com ky është aksidenti i 5 i shënuar deri më tani në vend. Dy janë raportuar në Gjirokastër ku të plagosur kanë mbetur gjashtë persona.

Po ashtu një shofer ka mbetur i plagosur në Himarë, pasi ishte duke drejtuar një kamion ka humbur kontrollin në hyrje të Himarës në kthesë e për pasojë automjeti është përmbysur.

Një tjetër aksident u shënua edhe në Pogradec ku të plagosur mbetën 4 persona.