Gjykata cakton gjyqtarët për përplasjen në PD (EMRA)

Është hedhur shorti për caktimin e gjyqtarit relator në Gjykatën e Apelit, për çështjen e përplasjes mes palëve të PD-së. Mësohet se relatore është caktuar Elona Toro. Gjyqtarët do të jenë Genti Shala dhe Edlira Petri. Toro u përcaktua përmes një shorti të hedhur sot, 17 maj. Seanca u transmetua live.

Vendimi i shkallës së parë bëri që ligjërisht në krye të PD-së, të njihej që prej 25 marsit Komisioni i Rithemelimit si organi drejtues i partisë. Alibeaj kërkon sot nga Apeli prishjen e vendimit të 25 marsit si dhe pushimin ose kthimin në hetim me trupë tjetër gjykuese.

Një ditë pas vendimit të gjykatës, PD gjithashtu e kallëzoi në SPAK gjyqtarin Agron Zhukri.