Shpati Lena është një nga viktimat e atentatit të sotëm në Vlorë. Lena ka qenë në makinën tip “Benz” me dy persona të tjerë, ndërsa është qëlluar me breshëri plumbash nga autorët që dyshohet se janë tre, duke mos i lënë asnjë mundësi shpëtimi.
Nuk dihet nëse Lena është shënjestra e vetme e atentatit apo është edhe personi tjetër i cili gjithashtu mbeti i vdekur në vend nga breshëria e plumbave.
Pritet të zbardhen detaje në vijim. Nga hetimet e deritanishme dyshohet se kemi të bëjmë me një atentat të mirëorganizuar pasi autorët kanë djegur mjetin e krimit në fshatin Frakull ku u gjet edhe një armë tip kallashnikov. Sakaq policia përmes një njoftimi zyrtar bëri me dije se janë përdoru tre automatik, për ekzekutimin e dy personave Shpati Lenës dhe personit tjetër që pritet të identifikohet pas pak minutash.
Pista paraprake e hetimit është prishja e pazareve të drogës mes bandave kriminale, informacion që pritet të konfirmohet pasi policia të ketë hetuar mbi të shkuarën kriminale të viktimave.
Ngjarja ka ndodhur mëngjesin e sotëm në fshatin Panaja, konkretisht në aksin rrugor Fier-Vlorë, ndërsa makina e autorëve është gjendur i djegur në fshatin Çerven, në aksin rrugor Levan-Tepelenë.
Discussion about this post