Një operacion antidrogë është zhvilluar sot në Kallmet. Burime nga policia bëjnë me dije se nga kontrollet e zhvilluara me dron në fshatin Kallmet, rrethi Lezhë, në pronën e personit të identifikuar me emrin Zef Gega shërbimet e Policisë kanë gjetur të kultivuara bimë të dyshuara narkotikë canabis sativa, të cilat u asgjësuan me anë të djegies.
Gjithashtu, gjatë kontrollit të ushtruar në banesën e këtij shtetasi, u gjetën dhe u sekuestruan në cilësinë e provës materiale një armë zjarri pushkë dhe një sasi municioni luftarak.
Zef Gega gjithashtu rezulton edhe posedues i armës së zjarrit dhe municionit luftarak.
Ndërsa u hetua në gjendje të lirë personi i identifikuar me iniciale T. Sh., banues në Kallmet, me detyrë kryetar i fshatit Kallmet, për veprën penale “Shpërdorimi i detyrës”.
Materialet procedurale i kaluan Prokurorisë pranë Gjykatës së Rrethit Gjyqësor Lezhë, për veprime të mëtejshme.
Discussion about this post