Një 34-vjeçare në Tiranë ka rënë në prangat e policisë pasi akuzohet se ka vjedhur një shumë të konsiderueshme parash në subjektin ku ishte e punësuar. Sakaq është shpallur në kërkim bashkëpunëtori i saj.
U arrestua falë operacionit policor të koduar “Valuta”, 34 vjeçarja me inicialet B. Sh., , banuese në Tiranë. Gjithashtu, u shpall në kërkim personi i identifikuar me iniciale Y. K., 42 vjeç, banues në Fier.
“Shtetasja B. Sh. ishte e punësuar në një subjekt këmbimi valutor, në pronësi të shtetases D. K. Nga verifikimet e kryera ka rezultuar se gjatë javës së fundit të muajit korrik, kjo shtetase, në bashkëpunim me shtetasin Y. K., ka vjedhur 900.000 lekë të rinj, në këtë subjekt. Punohet për kapjen e shtetasit Y. K”, njofton policia.
Materialet i kaluan Prokurorisë, për veprime të mëtejshme procedurale.
Discussion about this post