“I hapën derën” të miturës që ishte larguar nga shtëpia, arrestohet çifti dhe djali i tyre

Policia e Patrës, ka arrestuar tre persona në akuzën se kanë rrëmbyer një të mitur.

Mediat greke raportojnë se të arrestuarit janë nga një familje, baba, nënë e bir, ndërsa vajza që ata kanë rrëmbyer, 16 vjeçe, është dërguar, sipas policisë, në spital për ndihmë mjekësore dhe vlerësim.

Në veçanti, sipas policisë, siç ankohej nëna e 16-vjeçares, të pandehurit kanë mbështetur arratisjen e të miturës nga shtëpia dhe e kanë pritur në shtëpinë e tyre.

Pas hetimeve të kryera nga efektivët e Policisë së Patrës, kanë lokalizuar dhe arrestuar dy nga tre të akuzuarit në zonën e Patrës, ndërsa pas pak ka ardhur vullnetarisht së bashku me të miturën në Polici dhe i akuzuari i tretë, i cili është djali i dy të arrestuarve të parë.