Emiljano Shullazi ka kundërshtuar sërish vendimin e Gjykatës së Lartë për qëndrimin brenda izolimit “41 bis”, duke kërkuar ndryshimin e vendimit. Avokatët e kanë konsideruar këtë vendim si të padrejtë pasi për të burgosurin është shtuar edhe një vit tjetër izolim.
“Kundërshtimin e urdhrit të Ministrit te Drejtësisë nr. 474, dt. 29.07.2021 “Për zgjatjen e vendosjes në regjimin e posaçëm të ushtrimit të të drejtave, në burgun e sigurisë së lartë edhe për një afat 1 vit për të paraburgosurin Emiljano Shullazi”, thuhet në njoftim.
Shullazi dhe grupi i tij është dënuar me 55 vite burg në total, vendim i dhënë nga Gjykata për Krimet e Rënda. Ata e kanë apeluar këtë dënim, por ende nuk ka një vendim nga ana e Apelit. Për Shullazin dhe pjesëtarët e tjerë është vënë një vit afat për të qëndruar në qelitë e “41biss”.
Procesi
Gjykimi nga Apeli i Posaçëm për Shullazin dhe grupin e tij ka nisur rreth dy vite më parë. Emiljano Shullazi, Blerim Shullazi, Gilmando Dani, Endrit Zela dhe Endrit Qyqja u arrestuan pas bërjes publike të kërcënimit ndaj ish-rektorit të Universitetit të Tiranës, Mynyr Koni. Më pas u mësuar se ishte kërcënuar dhe profesori Dhori Kule nga ky grup. Grupi i Emiljano Shullazit ka shkatërruar me eksplozivë në dy raste prona, në formë presioni që biznesmenët të paguanin gjobat e vendosura nga Shullazi dhe grupi i tij. Grupi u arrestua në vitin 2016, të akuzuar për disa vepra penale të ndodhura në periudhën 2014-2016. Emiljano Shullazi dhe grupi i tij akuzohen për gjobëvënie, shkatërrim të pronës me eksploziv, armëmbajtje pa leje dhe krijimin e një grupi të strukturuar kriminal. Procesi gjyqësor ndaj tyre nisi në vitin 2017. Në vitin 2018 ata janë dënuar nga Gjykata e Shkallës së Parë me 55 vite heqje lirie në total. Kreu i kësaj bande, Emiljano Shullazi, është shpallur fajtor për zhvatjen e pasurisë dhe kërcënimin e biznesmenëve Y. Beqja dhe J. Zaka, krijimin e grupit të strukturuar kriminal. Gilmando Dani akuzohet për krijim të grupit të strukturuar kriminal dhe për kërcënimin e Y. Beqjas. Endrit Zela dhe Endrit Qyqja, akuzohen të dy për të njëjtat akuza që akuzohet dhe Gilmando Dani. Ndërsa Blerim Shullazi për krijim të grupit të strukturuar kriminal dhe kërcënimin e biznesmenit J. Zarka dhe armëmbajtje pa leje. A.L/ gijotina.com
Discussion about this post