Porto ka një fallxhore në listën e pagave të tyre, e cila shpreson se do të bëjë diferencën në play-offin e tyre në Europa League kundër Lazios.
Pala portugeze punësoi Madalena Aroso, e cila zyrtarisht quhet “doktoreshë”, në korrik për t’i ndihmuar ata të zgjidhin çdo problem si brenda dhe jashtë fushës. Parashikuesja është një nga anëtarët e stafit më të paguar në klub, fiton rreth 15,000 euro në muaj.
Siç raportohet nga ‘Corriere dello Sport’, presidenti Pinto da Costa punësoi Aroso për të mësuar rezultatet e ndeshjeve shumë më parë, diçka që me sa duket po bën diferencën pasi Porto aktualisht ndodhet i dyti në ligën portugeze, vetëm tre pikë prapa liderit të ligës Sporting, ndërsa duke pasur një lojë në dorë.
Porto do të përballet me Lazion në një raund të play off-it të Europa League me dy ndeshje në shkurt, me përfundimin e vendit të dytë të ‘Bardhekaltërve’ në Grupin E që nuk mjafton për t’u kualifikuar drejtpërdrejt në raundin e 16-të.
Ndeshja e parë e play-off-it do të luhet në Portugali më 17 shkurt në orën 21:00 me kohën, ndërsa ndeshja e kthimit do të vijë një javë më vonë më 24 shkurt në orën 18:45 në Romë./K.T/Gijotina.com
Discussion about this post