Duket se ka ardhur momenti që Marcelo t’i japë lamtumirën futbollit dhe vetë ai është i vetëdijshëm për këtë fakt.
Ndërkohë që ka luajtur ai ka investuar në klubet e futbollit që nga viti 2017. Tashmë lojtari zotëron dy, fillimisht ishte Azuriz në Brazil dhe më pas fitoi Mafra në Portugali.
Së fundmi në një intervistë që ka dhënë për ‘TNT Sports’ me Tatiana Mantovani, braziliani u shpreh se do të vazhdojë në botën e investimeve në futboll, ku dëshiron të zgjerojë markën e tij në klubet e mëdha braziliane. Teksa në 2022 shpreson të ndërmarrë një hap tjetër në biznes me kompaninë Holding DOZE.
“Kam pasur gjithmonë një vizion shumë të qartë se si do të doja të zgjeroja markën time si atlet dhe blerja e klubeve ishte një mundësi e qartë investimi. Gjithçka filloi në vitin 2017 me blerjen e Azurizit, klubi i parë që mban emrin tim në bord. Objektivi që në fillim ishte ta bënim atë një pikë referimi në stërvitjen e sportistëve dhe këtë bëmë. Ne e shohim Mafra si një lidhje të mundshme mes tregjeve braziliane evropiane dhe shumë skuadra nga liga e dytë evropiane kanë vështirësi për të hyrë në tregun brazilian dhe Mafra, duke qenë nga i njëjti grup me Azuriz, përbën një lidhje perfekte. Ishte një biznes i mirë, edhe me strukturën e vogël, Mafra ishte e organizuar mirë financiarisht dhe pa asnjë borxh”.-tha mbrojtësi.
Rikujtojmë që Marcelo i përfundon kontratën me Real Madridin më 30 qershor dhe ai nuk do të vazhdojë të jetë më atje, ndërsa nuk dihet a do bashkohet me skuadër tjetër apo ky do jetë fundi i tij në futbollin aktiv./K.T/Gijotina.com
Discussion about this post