Policia e Tiranës ka vënë në pranga një 59-vjeçar me iniciale M.Ç, pasi akuzohet se përdorte rrjetet sociale për të shfrytëzuar vajza të mitura me qëllim përfitimin seksual. Arrestimi i tij është bërë në flagrancë, teksa kishte organizuar një takim me një vajzë të mitur, të cilët e kishte kontaktuar përmes rrjeteve sociale.
Mësohet se 59-vjeçari rezultonte i dënuar më parë për veprën penale “Ngacmimi seksual”. Gjatë veprimeve hetimore, ku përfshihet dhe kontrolli i celularit të 59-vjeçaret janë gjetur prova kompromentuese për këtë shtetas, që e implikojnë në këtë veprimtari kriminale.
Materialet i kaluan Prokurorisë pranë Gjykatës së Shkallës së Parë Tiranë, për veprat penale “Ngacmimi seksual” dhe “Trafikimi i të miturve”.
Discussion about this post