Duket se fama e ka “goditur në kokë”, yllin e ri të futbollit francez e botëror, Kylian Mbappe. Vendimi për të rinovuar kontratën në fund të sezonit 2021-2022, me PSG gëzoi jashtë mase tifozët e klubit francez, duke irrituar jashtë mase, mbështetësit e Realit të Madridit, të cilët u ndjenë “të prerë në besë” për faktin se sulmuesi priti deri në maj të 2022-shit, për të rinovuar, në një kohë që dukej i sigurt transferimi i tij drejt Santiago Bernabeut.
Megjithatë, pas 14 muajsh, gjërat kanë ndryshuar drastikisht, me Kylian që duket se e ka kuptuare “budallallëkun” e tij, duke mos vënë në fuqi, rinovimin e kontratës aktuale deri në vitin 2025. Pra, e thënë shkurt, në fund të sezonit që do të nisë tani, Mbappe do të jetë lojtarë i lirë, për të firmnosur me këdo, pa i dhënë asnjë kacidhe Parisit.
Kjo gjë ka acaruar sheikët e Katarit, pronarë të klubit kampion të Francës si dhe vetë tifozët. Kylian Mbappe është kthyer në të urryerin e tyre, pas vendimit për të mos rinovuar kontratën me kampionët e Ligue 1, situata mes palëve është duke u përkeqësuar çdo ditë e më shumë dhe kulmoi me lënien jashtë fazës përgatitore.
Mirëpo, klubi ka marrë edhe një tjetër vendim për Mbappe, pasi duke qenë se në çdo intervistë dhe konferencë shtypi që lojtarët apo stafi kanë me mediat, ka gjithmonë pyetje për “yllin” francez, klubi ka vendosur që të mos diskutohet më.
Ndoshta, mund të duket si një reagim i ekzagjeruar nga ana e drejtuesve të klubit, por duhet të themi që dhe vetë Kylian, i ka acaruar të gjithë me kapriçot e tij. Shpresojmë që t’i thërrasë mendjes, para se të jetë shumë vonë.
Discussion about this post