“I kaloi parashikimet e mia”, Berisha: Protesta u thirr në kushte të vështira

I ftuar në emisionin “Open”, ish-kryeministri Sali Berisha tha se protesta e 7 korrikut ishte një nga më të mëdhajat që ai ka thirrur. Berisha gjithashtu tha se koha në të cilën u thirr protesta ishte në kushtet më të vështira.

“Protesta nuk kishte të bënte me asgjë tjetër, përveçse Edi Rama. Mendoj se si protestë ishte jashtë parashikimeve të mia, sepse koha në të cilën e thirra, në kushtet më të vështira që kam thirrur ndonjëherë protesta. Kështu që edhe sikur të vinin gjysma e tyre, unë do tu isha mirënjohës. Ata që erdhën në 39 gradë, ishin misionarë. Unë përulem para tyre. Ndoshta kjo është protesta më e madhe. Unë dy mbaj mend të mëdha. E dyta ka qenë Nano ik dhe kjo e 7 korrikut”, tha Berisha ne Open.