Policia britanike gjeti më shumë se 1,100 bimë kanabisi me një vlerë në treg prej 200,000 £ në një ndërtesë dy katëshe, të cilat i përkisnin një shtetasi shqiptar, Klevi Mone. Ai kishte prej shumë kohësh që merrej me kultivimin e bimëve narkotike, por nuk ishte spikatur nga policia më parë pasi i ruante në një vend sekret.
Sipas të dhënave, emigranti shqiptar ilegal, i cili pasi u zbulua në vendin sekret ku po fshihej, zbriti poshtë nga një tavan i varur, pasi oficerët dëgjuan zhurma dhe i thanë të zbriste. Shqiptari pranoi para gjykatës se ai po fshihej dhe po kujdesej për bimët e kanabisit, për të shlyer një borxh të tijin prej 20,000 £. Burimet bëjnë me dije se, bëhet fjalë për të riun 22 vjeç, i cili pranoi se prodhonte kanabis.
Policia njoftoi se shkoi në ambientet industriale në Wincolmlee, Hull, si pjesë e një operacioni të madh që synonte ndërtesa tregtare dhe private në qytet.
Discussion about this post