Ish-presidenti Bujar Nishani e quan Lulzim Bashën gënjeshtar dhe qesharak. Përmes një postimi në rrjetin social Facebook, ai shprehet se është paradoksale që Basha thotë se i ka fituar zgjedhjet në 2011 na Berishën, kur në të vërtetë rrinte pas tij për të marrë informacion për çdo gjë mbi fushatën.
“Të nderuar miq, një gënjeshtar kongjenital jo vetëm që nuk mund të na udhëheq në ndonjë fitore por na shkaktoi në tetë vite, kaosin, hallakatjen dhe dekurajimin më të madh politik që kemi patur ndonjëherë brenda Partisë Demokratike. Gënjeshtari kongjenital po thotë se ka fituar në 2011, Bashkinë e Tiranës, pa Berishën ! Si drejtues i shtabit elektoral për Tiranën, atë botë, më bezdiste deri në nervozizëm tek shikoja se si gjatë gjithë ditës, L. Basha i kërkonte S. Berishës ta udhëzonte, ti tregonte e ti mësonte edhe detajet më elementare për axhendën ditore dhe tezat e fushatës”, shkruan ai.
Sipas Nishanit, gabimet dhe sjelljet qesharake të Bashës shkaktojën kosto që po i vuajnë sot të gjithë. Sakaq, ai ka deklaruar se me 11 dhjetor kjo lojë do të marrë fund. “Ky nuk është thjesht qesharak, jo vetëm gënjeshtar kongjenital por një parazit politik me një kosto të madhe për të gjithë ne. 11 Dhjetori 2021, po vjen me shpejtësi. Uragani i njerëzve të ndershëm, trimave e patriotëve do të shpëtojë Partinë Demokratike. Të ringrejmë PD për të shpëtuar Shqipërinë”, shkruan Nishani, ndërsa ka bërë thirrje për bashkëpunimin e të gjithë delegatëve dhe simpatizantëve të PD, që të bashkohen për ndryshim me 11 dhjetor.
Discussion about this post