I kërkuar nga SPAK për kontrabandë mallrash, kapet në Rinas 57 vjeçari (Emri)

Një 57-vjeçar, i shpallur në kërkim nga SPAK dhe me masë arresti nga GjKKO, u arrestua në Aeroportin e Rinasit në Tiranë.

I arrestuari, Gëzim Stërkeshi, akuzohet për veprën penale “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”, kryer në kuadër të një grupi të strukturuar kriminal.

SPAK po e heton 57-vjeçarin si pjesëtar të një grupi kriminal që merrej me kontrabandën e mallrave të akcizës.

Ai u ndalua teksa po hynte në territorin shqiptar, ndërsa ishte i shpallur në kërkim pasi GjKKO-ja i kishte caktuar masën e sigurisë “Arrest në burg” për veprën penale në fjalë.

Materialet procedurale i janë referuar SPAK-ut, ndërsa policia njofton se kontrollet kundër paligjshmërive në kufi dhe tentativave për të lëvizur ilegalisht vijojnë, së bashku me menaxhimin e fluksit dhe ofrimin e një shërbimi policor të shpejtë dhe me etikë.