I kërkuar për atentatin ndaj prokurorit Ndoj, ndalohet në Dubai (Emri)

Julian Meçaj raportohet se është arrestuar nga autoritetet në Dubai të Emirateve të Bashkuara Arabe.

Meçaj dyshohet se mund të jetë një nga porositësit e atentatit ndaj prokurorit Arjan Ndoj.

Pas ngjarjes, Julian Meçaj u shoqërua nga policia, por më pas u la i lirë pas marrjes në pyetje.

Nuk dihet nëse Meçaj është lënë sërish i lirë nga autoritetet arabe, apo është mbajtur për t’iu nënshtruar procesit të ekstradimit.

Në vitin 2019, Meçaj dhe Plarent Dervishaj, kunati i Lul Berishës ishin shënjestër e një atentati në autostradën Tiranë-Durrës, ku ndaj tyre u qëllua me 40 plumba. Të dy mbetën të plagosur në atë kohë.