Një 52-vjeçar, i shpallur në kërkim ndërkombëtar për shfrytëzim prostitucioni dhe heqje e paligjshme të lirisë nga gjykata italiane, ka rënë në prangat e policisë së Durrësit. Mësohet se, bëhet fjalë për Ermal Gjokën, banues në Durrës.
Ndaj tij Gjykata në Verona të Italisë ka dhënë masën e arrestit me burg, dhe autoritetet pritet të bëjnë të mundur dhe ekstradimin e tij, për t’u përballur me akuzat e drejtësisë në shtetin fqinj.
Interpol Tirana, në bashkëpunim me autoritetet ligjzbatuese italiane vijon procedurat për ekstradimin e këtij shtetasi.
Discussion about this post