Mediat greke kanë publikuar një video të të shumëkërkuarit Luis Salaj, 35 vjeç, i cili lëviz lirisht edhe pse ndaj tij autoritetet në Greqi kanë ngritur akuzën e vrasjes.
Zougla shkruan se nga hetimet ka rezultuar se pistoleta e përdorur nga Salaj, i ka shkaktuar vdekjen 39-vjeçarit nga Delvina, Pëllumb Islami.
Sipas të njëjtës medie, ngjarja ka ndodhur në 21 shkurt 2023, në një lokal në Nea Ionia.
Lideri i dyshuar i Luanëve, “Ellis” dhe një anëtar kryesor i një bande tjetër ishin dy autorët e shkëmbimit të zjarrit brenda lokalit, shkruan media greke, e cila hedh dyshime se të dy këta persona kanë ikur në Shqipëri.
Arrestohet një 36-vjeçar me lidhje me anëtarët e Luanëve
Autoritetet arrestuan një shtetas bullgar 36-vjeçar me lidhje me një bandë të mirënjohur të krimit të organizuar të dielën herët pas një kontroll dhe i gjeti atij një arme dhe plumba.
36-vjeçari thuhet se mban marrëdhënie të mira me anëtarët e bandës së mirënjohur të Luanëve.
Në veçanti, 36-vjeçari u arrestua për posedim të armëve pasi ndaj tij u bë një kontroll i rastësishëm, ndërsa ndodhej jashtë një klubi nate të njohur në Liosion, i cili është i njohur për policinë pasi duket se kjo bandë është aktive atje. Në posedim të tij u gjet një pistoletë Tokarev si dhe shtatë plumba.
Gjithashtu, sipas të njëjtave informacione, në të kaluarën 36-vjeçari kishte paraqitur një ankesë ndaj punonjësve të policisë të ekipit të Veprimit të Drejtpërdrejtë, duke i akuzuar se e kishin rrahur gjatë një kontrolli në Gazi.
Kujtojmë se banda e Luanëve është përfshirë në vrasjen e një hidrauliku 39-vjeçar, si dhe në rastet e trafikut të drogës, trafikimit të qenieve njerëzore dhe mbrojtjes kryesisht në Sepolia dhe Gazi.
Discussion about this post