Bilanci tragjik i aksidenteve të shënuara së fundmi në vend, ka vënë në lëvizje policinë rrugore e cila vijon monitorimin e qarkullimit me radarë e alkooltestues. Kontrollet janë shtuar në rrugën interurbane Tiranë-Elbasan-Tiranë dhe në orët e mbrëmjes në aksin Sauk-Teg për të parandaluar shpejtësinë tej normave të lejuara dhe drejtimin e mjetit nën efektin e alkoolit.
Policia njofton se prej orës 19:00 deri në orën 24:00, si rezultat i monitorimit me radar në aksin Sauk-Teg konkretisht në Mjullbathore, Policia konstatoi 8 raste të shpejtësisë tej normave të lejuara, shpejtësi që varionte deri në 163 km/h.
Nga monitorimi me alkooltestues në të gjitha rrugët e Tiranës, janë evidentuar dhe arrestuar në kushtetet e flagrancës 3 drejtues mjetesh në gjendje të dehur.
Gjithashtu janë pezulluar 8 leje drejtimi, pasi drejtonin makinën në gjendje të dehur si dhe janë vendosur 17 masa administrative me vlerë nga nga 5.000 lekë deri në 15.000 lekë të rinj për drejtim mjeti nën ndikimin e alkoolit.
