Ndërsa merkato verore vazhdon, Barcelona është duke kërkuar për mundësi të tjera për largimin e Griezmann, pas pengesës në bisedimet me Atletico Madrid mbi një marrëveshje për të shkëmbyer francezin me Saul. Kjo për shkak se klubi katalanas kërkoi para për lojtarin.
Paulo Dybala i Juventusit është shfaqur si një opsion që Barcelona kërkon të lëvizë Griezman. Sipas gazetës franceze, ‘L’Equipe’, bisedimet janë në fazën fillestare aktualisht dhe të dy klubet dihet se kanë një marrëdhënie miqësore.
Barcelona është e dëshpëruar për të larguar Griezmann, jo për arsye sportive por për ato financiare. Kjo sepse francezi është një nga lojtarët me pagën më të lartë në skuadër.
Francezi, i cili u bashkua me skuadrën e Barcelonës këtë të martë pasi mbaroi pushimet, ishte një nga lojtarët aktiv të trajnerit Ronald Koeman vitin e kaluar, duke marrë pjesë në 51 ndeshje dhe duke shënuar 19 gola.
Ndërkohë, Dybala ka kaluar një dëmtim në gju, gjë që e bëri atë të humbasë 18 ndeshje sezonin e kaluar. Pavarësisht nga pengesa e dëmtimit, Dybala realizoi 20 paraqitje për sezonin e fundit të Juventusit, duke shënuar dhe pesë gola./Gijotina.com
