Kreu i grupit Parlamentar, Taulant Balla u shpreh se ka ardhur momenti i përmbylljes së procesit të zgjedhjes së Presidentit. I pyetur nëse është i lumtur për dështimin e raundit të tretë, Balla fajësoi opozitën duke thënë se nuk mori përgjegjësi.
Megjithëse, sipas tij mazhoranca është e gatshme që të bisedojë me çdo deputete të grupeve parlamentare. Balla shtoi se në raundin e 4 do të këtë një emër presidenti, ndërsa tha se janë identifikuar disa emra që i afrohen përmbushjes së kushteve.
“Siç e patë, ne i qëndruam angazhimit tonë për të pritur një emër konkret nga opozita, pa bërë asnjë propozim deri në raundin e tretë. Me shpresën që opozita të merrte përgjegjësinë e pjesëmarrjes në proces. Nga ky moment, ne nuk do ta lëmë vendin pa president, por duke ndjekur parimet e procesit. Mos të harrojmë që në raundin e katërt dhe të pestë kushtetuta kaq përcaktuar një mekanizëm zhbllokues. Ne kemi pasur gatishmërinë për t’u ulur me emra konkretë me opozitën, ju jeni dëshmitarë. Nëse opozita ka dëshiruar prej fillimi një president për ta zgjedhur vetë, besoj se kjo nuk i bën mirë askujt”, tha Balla.
Discussion about this post