Zbardhen detaje nga dosja hetimore për vrasjen e ish-deputetit Pashko Ujka disa ditë më parë në Shkodër. Ujka i shoqëruar nga bashkëshortja e tij dhe të vëllanë, është vëzhguar nga autori teksa ata kanë ecur drejt vendit të quajtur “Te dollari” dhe janë kthyer në rrugën para Kishës Ortodokse ku në një kioskë, ish-deputeti ka blerë një paketë cigare. Bashkë me gruan, ai është nisur më pas në drejtim të pallatit ku banonte. Por, në afërsi të një shatërvani në mesin e lulishtes, i është zënë pritë nga autorët, të cilët e qëlluan me një plumb në shpinë.
Kamera e sigurisë ka fiksuar momentin kur në pedonale kalon një person i dyshimtë, trup i mbushur, i veshur me të zeza, në kokë mban kapele të zezë me strehë e me kapuç pas qafe, doreza në duar dhe maskë anticovid në fytyrë. Në dorë, ai mban një qese të bardhë e cila mbulon një qese ose çantë tjetër të zezë, ku dyshohet se ndodhej arma. Përdorimi i qeses, për hetuesit shpjegon edhe mungesën e gëzhojën në vendngjarje.
Sipas hetuesve, ky person ka ngjashmëri me trupin e Marjan Kolës ose Aleksandër Kelmendit, të arrestuar si autorë të dyshuar të ngjarjes. Pista kryesore e hetimeve mbetet ajo e përplasjes të Pashk Ujkës me babanë e Kristianit, Aleksandër Kelmendi për shkak të prishjes së pazarit për blerjen e një apartamenti të ndërtuar nga viktima.
Discussion about this post