Kosova ka fituar me rezultatin minimal 1:0 ndaj Izraelit, në ndeshjen e mbetur të xhiros së shtatë të Grupit I të kualifikueseve për Kampionatin Evropian në futboll.
Dardanët kanë zhvilluar një lojë shumë të mirë, duke dominuar takimin dhe krijuan shumë raste, por shënuan vetëm një gol. Në stadiumin prej 14 mijë vendesh, ndodheshin rreth 3 mijë tifozë.
Renditja
1. Rumania 8 4 4 0 13:4 16
2. Zvicra 7 4 3 0 20:8 15
3. Izraeli 7 3 2 2 7:8 11
4. Kosova 8 2 4 2 9:8 10
5. Bjellorusia 8 1 3 4 7:14 6
6. Andorra 8 0 2 6 3:17 2
Kjo ishte fitorja e dytë për Kosovën, e cila ndodhet në vendin e 4-rt, një pikë më pak se Izraeli i vendit të 3-të.
Kosova – Izraeli 1:0
Stadiumi “Fadil Vokrri” në Prishtinë.
Shikues: 4.000.
Gjyqtar: I. Kruzliak (Sllovakia).
Shënues: Rashica (41′).
Kartona të verdhë: Zyba, I. Krasniqi – Revivo, Miguel Vitor.
Kartoni i kuq: Revivo (pas dy të verdhëve):.
Detajet nga ndeshja
77′ Zahavi futet në 16-sh, nga një pozicion anësor dhe për fat të mirë gjuan jashtë shtyllës së dytë përkatësisht të majtë.
65′ Kosova po e dominon sfidën. Vedat Muriqi lëndohet dhe largohet nga fusha.
61′ Rashica pason bukur e Vedat Muriqi pa konkretizim nga një pozitë ideale e nga afërsia gjuan drejt në këmbë të portierit Glazer.
59′ Rashica pati mundësi të mirë por gjuan mbi portë.
48′ Zymer Bytyçi lëshoi një rast ideal, duke gjuajtur drejt në këmbë të portierit Glazer.
47′ Bytyçi gati befasoi portierin Glazer.
44′ Rashica në pozitë ideale e nga afërsia por intervenon portieri Glazer.
41′ Izraeli në presion të Kosovës. Rashica shënon për 1:0. Vedat Muriqi ka asistuar bukur e Milot Rashica në pozitë qendrore e i vetëm e mposhti portieri Glazer.
34′ Kosova me fat, Zahavi nga afërsia godet me kokë por për fat të mirë jashtë shtyllës së djathtë pingule.
31′ Sulmuesi Vedat Muriqi nga rreth 11 metra dërgon goditje të fortë por portieri Glazer shpëton gol të sigurt, duke e dëbuar topin në korrne.
Discussion about this post