Një i moshuar është gjetur i vdekur në banesën e tij në një pallat në Rrugën Migjeni në Tiranë. Raportimet e banorëve dhe fqinjët e tij hedhin dyshime se ai ka ndërruar jetë prej të paktën një jave.
Kanë qenë banorët ata që kanë njoftuar policinë për shkak se askush s’e kishte parë të moshuarin prej ditësh dhe kundërmimit të aromës së trupit të dekompozuar në banesë.
Banorët thonë se viktima është rreth moshës 65-vjeçare dhe prej vitesh jetonte i vetëm në zonën e Yzberishtit.
Ndërkohë, sipas dëshmive të banorëve, prej muajsh të atij i ishte prerë edhe energjia elektrike dhe uji për shkak të detyrimeve të prapambetura dhe pamundësisë për t’i shlyer ato.
