Një ngjarje e pazakontë ka ndodhur ditën e sotme në një pallat në zonën e Ali Demit, ku si shkak i dëmtimit të ndërtesës suvaja e objektit është gati për të rënë nga lartësia e pallatit.
Nga ana tjetër, një prej banorëve të pallatit po mban copën e madhe e cila nëse bie në tokë, mund të rrezikojë jetën e njerëzve përreth në atë zonë. Ndërkohë që policia ka rrethuar zonën.
Lidhur me këtë situatë të ndodhur, banorët e pallatit kanë ngritur shqetësim dhe shprehen se nuk ka pasur asnjë lloj përkujdesje, dhe se e gjithë godina ka nevojë për rikonstruktim.
“Pallati ka mbaru në momentin që ra sistemi dhe nuk ka pasur asnjë lloj përkujdesje për këto pallate. Mund të vini edhe diku tjetër të shihni se është edhe me keq. E gjithë godina ka nevojë që të rikonstruktohet, të hiqet kjo shtesë që ishte bërë për të shmangur nxehtësinë e madhe. Ka copa të mëdha suvaje që janë gati për të rënë dhe mund t’u çajnë kokën njerëzve”.
Discussion about this post