I moshuari në Pogradec vetëplagoset me armë gjahu, transportohet në gjendje të rëndë

Një ngjarje e rëndë është shënuar ditën e sotme në Pogradec. Burime bëjnë me dije se një 78-vjeçar është vetëplagosur me armë gjahu.

Njoftohet se incidenti ka ndodhur rreth  orës 14:30, në lagjen Nr. 1 të qytetit, në garazhin e banesës së të moshuarit.

Ai është dërguar për mjekim në  Spitalin e Pogradecit dhe aktualisht ndodhet në gjendje të rëndë shëndetësore. Arma e gjahut është sekuestruar nga policia. Nuk dihet nëse plagosja ka qenë aksidentale apo i moshuari i ka qëlluar vetes me qëllim.

Pritet të zbardhen detaje pas hetimeve në vendin e ngjarjes.