Detaje shokuese raportohen nga mediat greke lidhur me rastin e një 13-vjeçareje shqiptare e cila u ngacmua seksualisht nga gjyshi i shoqes së saj.
Ngjarja ka ndodhur në Ilion (Greqi), ndërsa detajet e rënda janë zbuluar në një intervistë për mediat greke nga babai i të miturës.
I moshuari i është afruar 13-vjeçares me qëllimin për ta përdhunuar dhe nëse vajza nuk do ta kishte shtyrë, do të kishte rënë viktimë e oreksit të tij të sëmurë.
“Ai e futi në qoshe. E kapi në gjoks, në të pasme. Ai do ta përdhunonte. Për fat, ajo është një fëmijë i fortë dhe e ka shtyrë kështu që arriti të shpëtojë. Fëmija im ishte e fortë dhe mbijetoi, por nuk e di nëse ka fëmijë të tjerë që mund të vuajnë prej tij”, thotë babai i 13-vjeçares, ndërsa, në të njëjtën kohë, tregon se 85-vjeçari kishte vështruar vajzën e tij për një kohë të gjatë.
“Fëmijët ishin miq prej 3-4 vjet. Vajza ime shkonte në shtëpinë e saj, vajza tjetër vinte në shtëpinë tonë. Fëmija jeton me nënën e saj dhe ai jeton më poshtë. Kohët e fundit, kur fëmija shkoi atje, ai filloi t’a prekte pak në shpinë, pak në bel” , tregon babai i të miturës.
Në të njëjtën kohë, flitet për një person jashtëzakonisht të rrezikshëm, i cili nuk mund të përjashtohet nga përsëritja e veprimeve të tij vulgare ndaj një viktime tjetër.
“Po flasim për një pedofil që është i lirë sepse ajo që ka bërë është kundërvajtje. U largua nga shtëpia dhe nuk e gjetën dot. Në kafenenë që frekuenton ka thënë se ua ka bërë edhe më parë fëmijëve të tjerë. Fëmija ynë gjeti guximin dhe foli. Fëmija im për fat ia doli. Nëse shkon te një fëmijë tjetër çfarë do të ndodhë?’ , thekson ai.
Discussion about this post