I nxehti ekstrem, Inspektorati i Punës’ këshillon’ punëtorët: Freskohuni me ujë dhe lyhuni me krem

Inspektorati Shtetëror i Punës dhe Shërbimeve Shoqërore ka rekomanduar disa masa parandaluese për punëtorët, kryesisht në sektorin e ndërtimit, si pasojë e të nxehtit ekstrem. Dhe ndër pikat se si punëtorët e sektorit të ndërtimit mund të shpëtojnë nga ky i nxehtë ekstrem është që të përdorin ujë të frekët dhe gjithashtu të lyhen me krem kundra diellit.

Ndërsa një javë më parë Kosova mori vendime në mbrojtje të qytetarëve të saj, që nga reduktimi i orarit të punës dhe deri ndërprerjen e punës së ndërtimtarisë gjatë orëve të nxehta të ditës, në Shqipëri mjaftohen me këshilla si lyerja e fytërës me krem.

Më poshtë po japim rekomadimët e inspektoraiatit të punës në Shqipëri, sikurse edhe vendimet e marra nga qeveria e Kosovës.

Inspektoriati i punës në Shqipëri njofton:

Rritja e temperaturave dhe ngjarjet ekstreme të nxehtësisë përbëjnë një sfidë të madhe për Sigurinë dhe Shëndetin e punëtorëve, sidomos në sektorin e ndërtimit. Për të ndihmuar në mbrojtjen e punëtorëve dhe për të siguruar një ambient pune të sigurt dhe produktiv, ISHPSHSH rekomandon disa masa parandaluese të cilat përfshijnë:

▪︎Rritja e mbikëqyrjes së punëmarrësve nëpërmjet personit përgjegjës për Sigurinë dhe Shëndetin në Punë si dhe forcimi i sistemeve të SSHP-së në subjektet përkatëse.

▪︎Përfshirja e masave parandaluese në Dokumentin e Vlerësimit të Riskut duke marrë parasysh kushtet e nxehta të motit.

▪︎Riprogramimi i punës në natyrë në kohë më të freskëta të ditës dhe shmangia e punës në diell kur është në maksimum.

▪︎Sigurimi i pushimeve më të shpeshta për punëtorët dhe krijimi i “Cool Zone”.

▪︎Sigurimi i aksesit falas në ujë të pijshëm të freskët gjatë gjithë kohës së punës.

▪︎Inkurajimi i heqjes së pajisjeve mbrojtëse individuale gjatë pushimit për të parandaluar mbinxehjen.

▪︎Pajisje mbrojtëse të përshtatshme për temperaturat e nxehta si kapele të forta që nuk depërtojnë nxehtësinë dhe veshje që mbrojnë nga dielli.

▪︎Siguroni krem elastik ndaj diellit për punëtorët që janë të ekspozuar ndaj rrezeve të diellit gjatë gjithë ditës.

Këto masa janë të rëndësishme për të siguruar që punëtorët të qëndrojnë të sigurt dhe të shëndetshëm gjatë periudhave të nxehtësisë ekstreme, duke minimizuar rrezikun e lodhjes, goditjes nga nxehtësia dhe sëmundjeve të tjera të lidhura me stresin e nxehtësisë.

Për të njëjtën situatë shikoni vendimet e qeverisë së Kosovës për qytetarët e saj.

Kufizim i orarit të punës përgjatë temperaturave të larta

Në bazë të rekomandimeve të Institutit Kombëtar të Shëndetësisë Publike të Kosovës, për shkak të rritjes së konsiderueshme të temperaturave në ditët në vijim, me qëllim të mbrojtjes së shëndetit të qytetarëve, Ministria e Shëndetësisë merr vendim që të kufizohet orari i punës nga data 13.07.2024 deri më 20.07.2024 për këto kategori:

1. Nga data 13.07.2024 deri më 20.07.2024 lirohen nga puna gratë shtatzëna.
2. Në rast të pamundësisë së lirimit nga puna sipas paragrafit 1 të këtij vendimi, gratë shtatzëna punojnë nga shtëpitë.
3. Nga data 13.07.2024 deri më 20.07.2024 qytetarët me sëmundje kronike punojnë me orar të shkurtuar deri në 4 orë në ditë.
4. Nga data 13.07.2024 deri më 20.07.2024 ndalohet puna në sektorin e ndërtimtarisë në ambiente të hapura gjatë orarit 11:00 – 17:00 në të gjithë territorin e Republikës së Kosovës.
5. Varësisht prej temperaturave që mbizotërojnë gjatë muajit korrik dhe gusht 2024, ndërmerren masa të tjera.
6. Vendimi hyn në fuqi ditën e nënshkrimit.

Ky vendim është marrë duke pasur parasysh praktikat më të mira për mbrojtjen e shëndetit dhe sigurisë së punëtorëve gjatë periudhave me temperatura të larta.