Kreu i Partisë Demokratike, Lulzim Basha ka shpërndarë një artikull të Monitor që flet për informalitetin e punës, ndërsa e konsideron Shqipërinë si vendin me fshehjen më të lartë të pagave në rajon.
Basha shkruan në Twitter, se kapja e shtetit nga oligarkët ka dëmtuar tregun dhe rritur çmimet, ndërsa propozon si zgjidhje Vettingun në politikë.
“Kapja e shtetit nga pushtetarët e lidhur me oligarkët, ka arritur nivelin më të lartë në rajon, duke dëmtuar tregun, duke rritur çmimet e vrarë vende pune. Prandaj, edhe këtë vit, projekt-buxheti po miratohet për t’u dhënë thelat oligarkëve dhe thërrimet qytetarëve. Që shteti të mos jetë në duart e një pakice të vogël njerëzish, që ekonomia të jetë konkurruese dhe sipërmarrësit e ndershëm të jenë të lirë të krijojnë mirëqenie, na nevojitet Vettingu në politikë. Për pastrimin e institucioneve nga të gjithë ata që, duke abuzuar me pushtetin, kanë paralizuar demokracinë dhe kanë shkatërruar ekonominë e familjeve shqiptare”, shkruan Basha.
PD propozon një Vetting të njëjtë si ai i Reformës në Drejtësi, ku këtë herë subjekte nuk do të jenë gjyqtarët dhe prokurorët, por politikanët. Vettingu në Drejtësisë ka tri shtylla; kontrolli i pasurisë; integriteti i gjyqtarit, prokurorit, apo punonjësit të drejtësisë, pra nuk duhet të kenë lidhje të dyshimta me krimin, dhe në fund profesionalizmi.
Discussion about this post