“I pafytyri i Rilindjes”/ Meta sulmon ashpër Ramën: Koha për të ndëshkuar, kërkon të fajësojë BE

Ish-presidenti Ilir Meta ka sulmuar ashpër kryeministrin aktual Edi Rama.

Me anë të një mesazhi me tone revolte, Meta e cilëson Ramën si të pafytyrin e Rilindjes, dhe ka ardhur koha që qeveria e tij e korruptuar të ndëshkohet.

REAGIMI I METËS

I pafytyri i “Rilindjes” kërkon të fajësojë Bashkimin Europian dhe vendet e zhvilluara për shpopullimin e qëllimshëm që ai me sektin e “Rilindjes” i kanë bërë vendit tonë duke goditur shtresën e mesme, intelektualët dhe profesionistët në radhë të parë, me demotivimin financiar dhe moral. Ndaj Shqipëria është e fundit në rajon për nivelin e pagës të arsimtarëve, pedagogëve, mjekëve, infermierëve dhe intelektualëve.
Sepse të ardhurat që duhet të shkojnë për të rritur pagat e tyre dhe përmirësuar kushtet e punës vidhen nga Edvin Rama përmes aferave si inceneratorët, koncesionet, PPP, tenderat sekretë dhe çmimet më të larta në Europë të karburanteve.
Koha për ta ndëshkuar këtë sekt të papërgjegjshëm, shpopullues dhe antikombëtar!