Mandatit të Putin po i vjen fundi dhe sipas ekspertëve zëvendësuesi më i ri i Vladimir Putin mund të jetë edhe më brutal se ai.
Prej kohësh, ekspertë të ndryshëm të politikave ruse po përflasin për emrin e 36-vjeçarit, Kovalev, si pasardhësin e mundshëm të autokratit rus, si pasojë e zërave se shëndeti i tij po përkeqësohet. Ka sugjerime se vetë Putini është i vetëdijshëm për përkeqësimin e shëndetit të tij dhe se kjo është një nga arsyet e pushtimit brutal të Ukrainës.
Shumë që argumentojnë se ditët e liderit janë të numëruara gjithashtu besojnë se ai është aktualisht në proçesin e përgatitjes së vendit për pasardhësin e tij të zgjedhur për të siguruar vazhdimësinë e trashëgimisë së tij. Miku i Kremlinit, Dmitry Kovalev, përflitet të jetë një nga kandidatët kryesorë, me teoritë që qarkullojnë rreth tij se është rritur në popullaritet pasi ai u pa duke folur me Putinin gjatë paradës së fitores së 9 majit.
Kovalev, 36 vjeç, thuhet se ndan pasionet e Putinit për hokej mbi akull dhe është i punësuar në një pozicion të rëndësishëm në Kremlin. Katër ditë më parë, shefi i CIA-s, William Burns bëri deklaratën e çuditshme duke thënë se Vladimir Putin është plotësisht i shëndetshëm madje se ai “është më i shëndetshëm seç duhet”.
Më pas, Burns sqaroi se ky ishte vetëm një mendim personal dhe jo një “gjykim i agjencive zyrtare të inteligjencës”. Mbetet për t’u parë nëse Putin do të emërojë vërtetë një pasardhës por shpresat se ai do të jetë një urë lidhëse mes Perëndimit dhe Rusisë janë të pakta.
Discussion about this post