Dusan Tadic ka kaluar një moment makthi, në orët e para të 28 korrikut, kur ai po shkonte drejt banesës së tij në Amsterdam. Dy persona të maskuar kanë tentuar ta grabisin, pasi kishin pikasur orën e shtrenjtë që kishte sulmuesi serb.
E gjithë ngjarja ka qenë si një film aksion për 33-vjeçarin, i cili e kuptoi se po e prisnin dhe vrapoi t’u shpëtonte grabitësve. Ata e ndoqën dhe Tadic u përlesh, madje njërit prej tyre i hoqi maskën dhe e goditi me shuplakë.
Mediat në Holandë raportojnë se futbollisti ka pësuar dëmtime të lehta në duar nga përleshja, ndërkohë që misioni i grabitësve për t’ia marrë orën luksoze dështoi.
Policia po heton për të zbardhur ngjarjen, që u denoncua nga vetë futbollisti pak ditë pasi kishte ndodhur. Madje serbi u pa në ndeshje me dorën të futur në allçi, ndërsa nuk mungonin as plage të lehta në gishta.
Discussion about this post