Një shpatë prej bronzi e cila pretendohet se është 3000 vjet e vjetër është zbuluar në Gjermani. Zyra shtetërore bavareze për ruajtjen e monumenteve historike (BLfD) tha se shpata, e cila besohet se daton në fund të shekullit të 14-të para Krishtit, mesi i epokës së bronzit, u gjet gjatë gërmimeve javën e kaluar në Nördlingen, midis Nuremberg dhe Shtutgartit.
Shpata ka një dorezë tetëkëndëshe dhe u gjet në një varr në të cilin tre persona, një burrë, një grua dhe një djalë – ishin varrosur me objekte bronzi, shkruajnë mediat e huaja.
Studiuesit besojnë se shpata ishte një armë e vërtetë, pasi qendra e gravitetit në pjesën e përparme të tehut tregon se ajo ishte krijuar kryesisht për prerje.
Discussion about this post