Aktori i njohur i humorit, Bes Kallaku, i ka bërë ëndrrën realitet njërit prej fansave të tij. Kallaku ka surprizuar 12-vjeçarin i cili ndodhet në spital pasi vuan nga tumori, po prej kohësh kishte shprehur dëshirën të takonte aktorin. Vetë aktori Besi ka ndarë një video në rrjete sociale nga momenti që ka takuar fansin e tij të vogël. Ndër të tjera, aktori i humorit iu bën thirrje të gjithëve për ndihmë pasi familja e tij nuk është në gjendje që të përballojë shpenzimet ekonomike.
Kristi Saka, 12- vjeçari me tumor rëndë, ëndërronte të më takonte prej vitesh, por ne bashkë duhet të bëjmë realitet që ai të shërohet orë e më parë! Në gjendje të rëndë ekonomike, me baba të paralizuar, e një nënë që shpreson tek ndihma jonë, ju bëj thirrje të kontribuoni të gjitha sipas mundësive. Fjalët e mua mi kanë marrë lotët e Kristit e lutjet e nënës së tij për ndihmë!“, shkruan ai.
Kujtojmë se rastin e Kristit e ka raportuar një muaj më parë Gijotina.com, duke publikuar thirrjen e nënës së tije cila bënte apel për ndihmë. Florda Saka, nga Ishmi i Durrës, ka rrëfyer ekskluzivisht për Gijotina.com se i biri Kristi është operuar pesë herë në kokë për tumor dhe katër herë për valvulën, e cila nuk funksiononte mirë dhe ishte e lidhur me fshikëzën e urinës. Ndërkohë që qytetarët po ndihmojnë financiarisht të ëmën, Bes Kallaku zgjodhi t’i bëj këtë surprizë të bukur djalit.
Discussion about this post