Një 26-vjeçar ka nisur procedimin në gjendje të lirë nga policia e Fierit. I riu me inicialet A. Gj.,dyshohet se i ka hapur një llogari false një 24-vjeçareje dhe ka postur foto. 26-vjeçari është banues në Angli.
Njoftimi i Policisë:
“Specialistët për Hetimin e Krimeve Ekonomiko-Financiare të DVP Fier referuan materialet në Prokurori ku nisi procedimi në gjendje të lirë për shtetasin A. Gj., 26 vjeç, banues në Angli, pasi dyshohet se ka hapur një llogari false në rrjetet sociale në të cilën ka postuar foto të një 24-vjeçare.
Po ashtu, specialistët për Hetimin e Krimeve të Komisariatit të Policisë Lushnjë, në vijim të veprimeve të kryera për një rast të lojërave të fatit, për të cilin u dha njoftim ditën e djeshme, referuan materialet në Prokurori, ku nisi procedimi në gjendje të lirë për shtetasin G. B., 35 vjeç, banues në Lushnjë, pasi nga veprimet hetimore dhe këqyrja e celularëve të sekuestruar, rezultoi se ky shtetas ushtronte këtë veprimtari të paligjshme.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.”
Discussion about this post