Të gjithë e prisnin me padurim prezantimin e Lionel Messit te Inter Miami, edhe pse shiu dhe erërat e forta nuk i lanë njerëzit ta shijonin në maksimum. Ylli argjentinas përjetoi apoteozën e 18 mijë tifozëve të ekipit amerikan, që ndodheshin në fushë.
Por më parë nga mbrëmja magjepsëse, ishte e pamundur që ylli argjentinas të mos kujdesej për prerjen e flokëve. Shorti i ra Luis Riveras, pasi sulmuesi 36-vjeçar i kërkoi parukierit të tij në Barcelonë që t’i rekomandonte dikë.
Luis Rivera jeton në… paranojë që kur shkoi dhe preu flokët e argjentinasit në shtëpi. Të dy kanë pozuar për një foto, që Rivera ka postuar në Instagramin e tij.
Nën postimin ai shkroi në mënyrë karakteristike: “Zot ia arrita. Faleminderit Zot për këtë bekim të madh, të mund të takoj dhe të pres flokët e më të mirit në botë. Lionel Messi mirë se erdhe në Miami!
Sot është një ditë shumë e madhe për mua, vetëm kujtoj se nga vij dhe çfarë më kanë mësuar prindërit e mi në jetë. Këto vlera më bëjnë kjo që jam sot si profesionist.
Faleminderit Cristian Maez (s.b. parukieri i Messit në Barcelonë), sepse ju jeni ai që Zoti përdor për të bërë të gjitha këto të mundshme.
Faleminderit që besove te mua dhe më rekomandove te djaloshi kryesor, i cili më bëri të ndihem si familje kur hyra në shtëpinë e tij, të dua vëlla.
Dua të them e të shkruaj më shumë, por ende jam në shok dhe fjalët nuk më dalin. Shpresoj të shprehem shpejt!”.
Discussion about this post