Kryeministri i Kosovës Albin Kurti ka deklaruar pasurinë e tij për vitin 2021 në Agjencinë Kundër Korrupsionit. Kurti ka deklaruar si pasuri të paluajtshme apartamentin 400 mijë eurosh të bashkëshortes që ndodhet në Oslo.
Kryeministri kosovar ka deklaruar se ka para të gatshme në bankë në vlerë prej rreth 400 euro, ndërsa bashkëshortja e tij ka të kursyera 23 mijë euro. Por, bashkëshortja e tij ka edhe borxhe.
Ajo është në kredi në vlerë 290 mijë euro, që e ka në kohëzgjatje prej 25 vitesh, e që ka thënë se e ka marrë për blerjen e apartamentit. Ndërkohë, Kurti ka deklaruar qiranë e shtëpisë në vlerë 250 euro, për tri vite.
“Banoj në shtëpi me qira, sipas kontratës të lidhur me qiradhënësin B.Z. ,në afat prej 3 vitesh me mundësi vazhdimi edhe për një afat shtese prej 3 vite me kushte të njëjta siç janë parashikuar në kontratë. Qiraja është në shumë prej 250e ne muaj”, ka qenë sqarimi i Kurtit për këtë shtëpi.
Kurti ka deklaruar si të hyra vjetore 12 mijë e 903 euro, derisa bashkëshortja e tij ka të hyra vjetore 39 mijë e 200 euro.
Discussion about this post