I publikoi video intime 26-vjeçares në rrjete sociale, pranga të riut në Tiranë

Një 34-vjeçar është arrestuar nga policia e Tiranës për publikimin e videove intime në rrjete sociale të një shtetaseje, përndjekjen dhe kanosjen e saj në mënyrë të vazhdueshme.

“Shërbimet e Komisariatit të Policisë Nr. 2, në vijim të punës për parandalimin dhe goditjen e paligjshmërive, pas kallëzimit të marrë nga një 26 vjeçare, se një shtetas i kishte publikuar video intime në rrjete sociale, e përndiqte dhe e kanoste atë, në mënyrë të vazhdueshme, menjëherë kanë organizuar punën për kapjen e autorit të dyshuar” njoftoi policia.

Në pranga ra V. G, banues në Fier dhe në Angli. Gjatë veprimeve hetimore ka rezultuar se  V. G. i kishte publikuar video intime 26-vjeçares, si dhe e përndiqte dhe e kanoste atë, në mënyrë të vazhdueshme.

Materialet i kaluan Prokurorisë, për veprime të mëtejshme procedurale.