Post Big Brother VIP ka vazhduar edhe pas përfundimit të spektaklit më të ndjekur në vend, ku produksioni ka menduar që të vazhdojë të ballafaqojë banorët për situatat që kanë ndodhur brenda shtëpisë.
Mbrëmjen e djeshme, u diskutua për momentin kur i bie të fikët, Fifit brenda shtëpisë së famshme dhe këngëtarja vendosi të largohej nga studio pasi nuk ndihej mirë emocionalisht. Pas puntatës, këngëtarja reagoi përmes një postimi në rrjete sociale, duke theksuar se nuk u largua se nuk mundi të përballonte debatin, ashtu siç u raportua, por sepse në studjo u transmetua videoja për herë të parë SLOWMOTION kur i ra të fikët.
“Nuk dola nga studio pse nuk e përballova debatin. Dola nga studio se për herë të parë pashë videon me SLOWMOTION kur m’ka ra të fikët. Gjë të cilën kam refuzuar me e pa prej kur kam dal dhe nuk po merrsha as nuk po merrdha mo…”, shkroi mes të tjerash këngëtarja ndërsa kritikoi dhe produksionin duke thënë se kjo pjesë nuk duhej transmetuar.
“Mbase do të ishte mirë mos të transmetohej ajo pjesë, jo për gjë por edhe unë jam njeri…edhe unë kam familje.Mbase nuk është as etike dhe mirë për mua pavarësisht që m’ka ndodhur si episod. Po flas si njeri me ndjenja përtej çdo gjëje!”, ka shkruar këngëtarja.
Discussion about this post