Kreu i grupit parlamentar të PD-së, Gazment Bardhi, pas takimit që ai kishte thirrur për deputetët opozitarë, ku morën pjesë 43 demokratë dhe opozitarë, ka reaguar edhe ndaj deklaratës së Lulzim Bashës, i cili u shpreh më herët: ‘I qoftë rruga e mbarë në bunkerin anti-amerikan’.
“Të gjithë deputetët e opozitës, që duan të bashkojnë forcat në parlament, për ta bërë opozitën funksionale në Parlament, sepse s’kemi qenë 100 funksionale, sot lajmi mirë është ‘po’, deputetët e opozitës kanë qëndrim të unifikuar.
Nuk kam asnjë koment, ftesa ime për Bashën dhe cilido tjetër është t’i rikthehet misioni si opozitar. Çdo deputetet mund të ketë mendimin e tij për bunkerë. Cilido të reflektojë për momentin kur ndodhet Shqipëria dhe çfarë opozita mund t’i shkaktojë të ardhmes së Shqipërisë.
Sot nuk duam të futemi në këto akuza brenda PD.
Ishte një mbledhje e deputetëve të PD dhe Aleancës për Ndryshim. Ndasitë për çështje të ndryshme çdo deputet është i lirë t’i ketë. E rëndësishme është të jemi të unifikuar në Parlament,
Nuk do iki jashtë vendit, nuk do mbyllem në asnjë bunker, këtu do jemi. S’kam ndryshuar asnjë mendim. Mesazhi qe duhet t’i përcjellim qytetarëve është që opozita ka axhendë të unifikuar kundër qeverisjes së Ramës.”, tha ai.
Discussion about this post