Djali i ish-kryeministrit Berisha, Shkëlzen Berisha ka reaguar lidhur me ato që ai i quan si ofendime për demokratët nga drejtuesit e PD-së. Ai shkruan në Facebook se drejtuesit më të lartë të PD-së i kanë quajtur demokratët si antiamerikanë, llum, naive dhe pijanecë.
“Antiamerikanë, llum, naivë, pijanecë… këto ofendime për demokratet nuk vijnë nga Rama, por nga drejtuesit me te larte te PD” – shkruan Shkëlzen Berisha.
Kujtojmë se Sekretari i Përgjithshëm i Partisë Demokratike, Gazment Bardhi, i vënë në qendër të kritikave pasi akuzohej se kishte ofenduar demokratët, reagoi ashpër ditën e djeshme duke i quajtur akuzat të rreme, si dhe shtoi se këto akuza synonin vetëm përçarjen e demokratëve.
Por ish-deputeti Klevis Balliu ka publikuar videon, ku shihet se Bardhi thotë në emisionin “Real Story” se një pjesë e delegatëve kanë firmosur formularin pasi kanë kthyer një teke raki që iu është vënë përpara.
Balliu i quajti sulme dhe ofendime të ulëta e të turoshme fjalët e Bardhit, teksa thotë se përgjigjen do ta marrin në Kuvendin e datës 11 Dhjetor.
Discussion about this post